З 09 чэрвеня па 03 ліпеня бібліятэка Іўеўскага ліцэя распачала літаратурны флэшмоб “Чытаем вершы пра Беларусь”

У кожнага чалавека ёсць Радзіма, і кожны любіць яе. Любіць месца, дзе нарадзіўся і жыве. Любіць родную прыроду, свой народ. Любіць сваю родную мову і песні свайго народа, казкі, танцы, кнігі… Без бацькаўшчыны і без свайго народа чалавек не можа жыць. Мая Беларусь… Па нашых землях тапталiся ворагi. Прыходзiлi да нас з дзiдамі i мячамi, з ружжамi i гарматамi, на танках i самалётах. Нiшчылi людзей, палiлi хаты, гарады, адбiралi скарбы. Нiколi i нiкому не ýдавалася зняволiць вольналюбiвы народ. Званы Хатынi, мемарыял у Брэсцкай крэпасцi-героi нагадваюць жывым: «Людзi! Помнiце! Не дапусцiце новай бойнi!»

Вялікую цану заплаціў беларускі народ за сваю свабоду. Таму з 9 чэрвеня па 3 ліпеня Іўеўскі ліцэі распачаў літаратурны флэшмоб “Чытаем вершы пра Беларусь” прысвечаны Дню незалежнасці Рэспублікі Беларусь - галоўнаму святу беларускай дзяржаўнасці. Прапануем чытаць вершы, запісваць на відэа, дасылаць нам альбо размяшчаць у сацыяльных сетках з хэштэгам #чытаемвершы. Арганізатарам мерапрыемства выступіла бібліятэка ліцэя. Мэта флэшмоба - фарміраванне патрыятычных пачуццяў, выхаванне павагі да ветэранаў вайны, салдат, якія абараняюць нашу Радзіму, гонару за Беларусь.