Пачынаем размаўляць па-беларуску!

У межах «Міжнароднага дня беларускай мовы» з 17 па 21 лютага ў ліцэі праходзіць акцыя "Гавары са мной па-беларуску".

Далучэнне да роднай мовы садзейнічае не толькі ўзбагачэнню мовы падлеткаў, але і развівае іх пазнавальныя і інтэлектуальныя магчымасці, пашырае веды пра беларускую культуру.

Сення сам час патрабуе звярнуцца да сваіх вытокаў, далучаць навучэнцаў да беларускай нацыянальнай культуры, паглыбляць знаемства з родным краем, беларускімі традыцыямі, фальклорам, прывіваць пачуцце грамадскасці, любоў да Радзімы. Вельмі важна навучыць падлетка з павагай ставіцца да беларускай мовы, не сароміцца на ёй размаўляць.

Чытачы бібліятэкі ліцэя далучаюцца да акцыі "Гавары са мной па-беларуску". Заклікаем вучняў, настаўнікаў і бацькоў размаўляць па-беларуску! Скарбы мовы, скарбы пазнання, скарбы навакольнага свету расчыняюцца тым, хто шчыра любіць і глыбока вывучае родную мову, літаратуру, культуру.

Пачынаем размаўляць па-беларуску!

• Ветлівасць. Ветлівымі словамі дарослыя і дзеці карыстаюцца амаль штодня. Давайце праверым свае веды і пакажам прыклад ветлівых паводзін дзецям:
• Дзякуем. Сардэчна дзякую! Я ўдзячны (удзячна) Вам! Дзякуй за дапамогу! Дзякуй за ўсё!
• Просім прабачэння. Прабачце, калі ласка! Я прашу прабачэння! Вельмі шкадую, што нарабіў Вам клопату. Не сярдуйце, так атрымалася. Даруйце, мне вельмі непрыемна.
• Радуемся. Вельмі добра! Цудоўна! Выдатна! Вось здорава! Якое шчасце! Вось гэта навіна! Мне вельмі прыемна! Я задаволены (задаволена)! Вы мяне ўзрадавалі! Мне гэта даспадобы! Гэта самая шчаслівая хвіліна ў маім жыцці! Я вельмі рады (рада)!
• Жадаем. Жадаю шчасця! Каб Вы здаровы былі і радаваліся! Хай Вас Бог беражэ! Хай Вам шчасціць! Хай будуць здаровы Вашы родныя! Расці дужы (дужая) ды вялікі (вялікая)! Хай здзейсняцца ўсе спадзяванні! Бывайце здаровы, жывіце багата! Добрай дарогі! Хай усё будзе добра! Хай Вам лёс не здрадзіць!

Жадаючыя могуць пазнаеміцца ў бібліятэцы ліцэя з выставай: “Я люблю беларускую мову”.

Пісьменнікі, дзеячы мастацтва – юбіляры 2020 года.