Іван Мележ. Жыццёвы і творчы шлях пісьменніка.

У ліцэі завяршыўся тыдзень беларускай мовы. Мэта правядзення тыдня: выхаванне цікавасці да вывучэння роднай мовы і нацыянальнай культуры праз самарэалізацыю навучэнцаў у разнастайных творчых і інтэлектуальных мерапрыемствах.

У рамках тыдня прайшло шмат цікавых мерапрыемстваў. Навучэнцам вельмі спадабаліся тэматычныя дні “Архітэктура Беларусі” , “Музыка Беларусі” , “Культура Беларусі” ,“Паэзія Беларусі”.

19 лютага 20 группа хэв прыняла ўдзел у складанні творчага калажа “Іван Мележ. Жыццёвы і творчы шлях пісьменніка”.

XX стагоддзе для Беларусі, яе культуры і літаратуры стала часам шматлікіх выпрабаванняў і стратаў. Але яно ж, гэтае стагоддзе, выяўляючы жыццёвую сілу нацыі, нарадзіла і такіх волатаў духу, як нашы вялікія класікі Янка Купала, Якуб Колас, Максім Багдановіч, Кузьма Чорны і інш. Іх мастацкія традыцыі працягваў і развіваў, уздымаючы на новую вышыню, Іван Паўлавіч Мележ.

Біяграфія сусветна вядомага літаратурнага творцы, народнага пісьменніка Беларусі, лаўрэата Ленінскай прэміі і Дзяржаўнай прэміі БССР Івана Паўлавіча Мележа – найяскравейшы прыклад яго прадвызначанага Богам ратнага, грамадзянскага шляху.

Яго творчасць – гэта каштоўная з’ява не толькі ў беларускай літаратуры, але і ў сусветным маштабе, цікавая для тых, каму даспадобы разгадваць загадкі і паўсюль вышукваць таемны сэнс.